Human Rights Post International (HRPI)

Human Rights Post International (HRPI) သည် ၂၀၂၁ ခုနှစ်တွင် ဥပဒေကျွမ်းကျင်သူများနှင့် တက်ကြွလှုပ်ရှားသူများ စုပေါင်းတည်ထောင်ခဲ့သော You Have Rights (YHR) အဖွဲ့အစည်း၏ ရေရှည်ပညာပေးစီမံကိန်း (Long-term Project) တစ်စိတ်တစ်ပိုင်း ဖြစ်ပါသည်။

YHR သည် မြန်မာနိုင်ငံအတွင်း လူ့အခွင့်အရေး မြှင့်တင်ရန်၊ ဥပဒေရေးရာ ပညာပေးခြင်းများနှင့် မတရားမှု ခံစားရသူများကို ကူညီရန် ရည်ရွယ်သည့် အကျိုးအမြတ်မယူသော လူမှုအဖွဲ့အစည်းတစ်ခု ဖြစ်သည်နှင့်အညီ၊ HRPI ကိုလည်း ထိုရည်မှန်းချက်များ၏ အစိတ်အပိုင်းတစ်ခုအဖြစ် ဖန်တီးခဲ့ခြင်း ဖြစ်ပါသည်။

ကျွန်ုပ်တို့၏ ရည်ရွယ်ချက် (Our Purpose)

HRPI ၏ အဓိက ရည်ရွယ်ချက်မှာ မြန်မာနိုင်ငံ အရပ်ရပ်ရှိ ရှေ့နေများ၊ ဥပဒေအထောက်အကူပြုများ (Paralegals) နှင့် လူ့အခွင့်အရေး လှုပ်ရှားသူများအတွက် ကမ္ဘာအနှံ့အပြားတွင် ဖြစ်ပေါ်နေသော လူ့အခွင့်အရေးဆိုင်ရာ သတင်းအချက်အလက်များကို လွယ်လင့်တကူ လက်လှမ်းမီစေရန် ဖြစ်ပါသည်။ ခေတ်နှင့်အညီ ပြောင်းလဲနေသော ဥပဒေရေးရာ ဗဟုသုတများနှင့် နိုင်ငံတကာ စံနှုန်းများကို မျှဝေခြင်းဖြင့် လူမှုအဖွဲ့အစည်းအတွင်း အပြုသဘောဆောင်သော ပြောင်းလဲမှုများကို ဖန်တီးလိုပါသည်။

ကျွန်ုပ်တို့၏ လုပ်ငန်းစဉ် (Our Methodology)

Human Rights Post International အနေဖြင့် တိကျခိုင်မာပြီး အရည်အသွေးရှိသော သတင်းအချက်အလက်များကို တင်ပြနိုင်ရန် အောက်ပါ နည်းလမ်းစနစ်များဖြင့် စနစ်တကျ လုပ်ဆောင်နေပါသည် -

၁။ သတင်းရင်းမြစ် ရွေးချယ်ခြင်း (Sourcing)
ကျွန်ုပ်တို့သည် တင်ပြမည့် အချက်အလက်များ မှန်ကန်စေရန်အတွက် အောက်ပါ ယုံကြည်စိတ်ချရသော မူရင်းသတင်းရင်းမြစ်များကိုသာ ကိုးကားအသုံးပြုပါသည် -

• နိုင်ငံတကာနှင့် ပြည်တွင်းရှိ ဂုဏ်သိက္ခာရှိသော သတင်းဌာနများ။
• နိုင်ငံတကာ အစိုးရမဟုတ်သော အဖွဲ့အစည်းများ (International NGOs)။
• ကုလသမဂ္ဂနှင့် တရားဝင်အဖွဲ့အစည်းများမှ ထုတ်ပြန်သော အစီရင်ခံစာနှင့် ထုတ်ပြန်ချက်များ။

၂။ သတင်းအချက်အလက် စိစစ်ခြင်းနှင့် ဘာသာပြန်ဆိုခြင်း
ရရှိလာသော အချက်အလက်များကို YHR ၏ ဥပဒေကျွမ်းကျင်သူများ၊ လူ့အခွင့်အရေး ပညာရှင်များနှင့် နည်းပညာရှင်များက မြန်မာနိုင်ငံရှိ Paralegal ကွန်ရက်များအတွက် အကျိုးရှိစေမည့် အသွင်သဏ္ဌာန်ဖြင့် စနစ်တကျ စိစစ်တည်းဖြတ်ပြီး တင်ပြပါသည်။